કાંતારા ચેપ્ટર 1: ટ્રેલર રિવ્યુ – દિવ્ય ગર્જનાનું આગમન!
2022માં ‘કાંતારા’એ બોલિવુડના બોક્સ ઓફિસને હલાવી નાખ્યું હતું – માત્ર 16 કરોડના બજેટ પર બનેલી ફિલ્મની 400 કરોડથી વધુની કમાણી! તેની ભક્તિ, લોકકથા અને કુળ રીતરિવાજોની કથા આપણા હૃદયમાં ઘર કરી ગઈ. હવે, તેનું પ્રીક્વલ ‘કાંતારા: એ લેજન્ડ ચેપ્ટર 1’નું ટ્રેલર 22 સપ્ટેમ્બર 2025ના રોજ રિલીઝ થયું છે, અને તે એક દિવ્ય વાવાઝોડું જેવું છે! ઋષભ શેટ્ટીના લેખન-દિગ્દર્શનમાં બનેલી આ ફિલ્મ કડંબા વંશના 300 ADના કાળમાં પાછી જઈને કાડુબેત્ટુ શિવાની ઉદ્ગમની કથા કહેશે. પરંતુ શું આ ટ્રેલર બ્લોકબસ્ટરની ખાતરી આપે છે, કે માત્ર હાઈપ છે? આપણે જાણીએ.
ટ્રેલરની શરૂઆત થાય છે ગાઢ જંગલોના દ્રશ્યોથી – કોસ્ટલ કર્ણાટકની હરિયાળી, જ્યાં પ્રકૃતિ અને પૌરાણિક શક્તિઓનું મિશ્રણ થાય છે. ઋષભ શેટ્ટી, જેમણે પોતાનું ટ્રાન્સફોર્મેશન પૂરું કર્યું છે, એક યુવા વોરિયર તરીકે દેખાય છે – તેમની આંખોમાં ક્રોધ, ભક્તિ અને રહસ્યનું તૂફાન દેખાય છે તેનો જોરદાર લુક – પરંપરાગત વસ્ત્રો અને તલવારના એક્શન સીન્સ – પહેલી ફિલ્મના ક્લાઈમેક્સની યાદ અપાવે છે, પણ વધુ ઇન્ટેન્સ. જયરામ અને ગુલશન દેવૈયાના કેરેક્ટર્સ ગ્લિમ્પ્સમાં દેખાય છે, જે રાજકીય ષડયંત્ર અને પારિવારિક સંઘર્ષની તરફ ઇશારો કરે છે. રુક્મિણી વસંતની ફીમેલ લીડ પણ મજબૂત લાગે છે, જે પ્રકૃતિ સાથેના કનેક્શનને ઉજાગર કરશે.
ટેક્નિકલ રીતે, ટ્રેલર એપિક છે. B. અજનીશ લોકનાથનું BGM – ઢોલ, શંખ અને ફોક સાઉન્ડ્સનું મિશ્રણ – રુંવાટા ઉભા કરી દે તેવું છે. તે ‘વરાહ રુપ’ના થીમને વધુ ડીપ બનાવે છે, જેમ કે પહેલી ફિલ્મમાં હતું. સિનેમેટોગ્રાફી (સુપ્રીત સાય્નાના કેમેરા વર્ક) જંગલો, ભીષણ વરસાદને જીવંત કરે છે. VFXમાં પણ સુધારો દેખાય છે – પૌરાણિક ક્રીએચર્સ અને એક્શન સીક્વન્સ પાન-ઇન્ડિયા સ્કેલ પર છે. મલ્ટીલિંગ્વલ ટ્રેલર્સ (હિન્દીમાં હૃતિક રોશન, તેલુગુમાં પ્રભાસ, તમિલમાં સિવકાર્થિકેયન અને મલયાલમમાં પૃથ્વીરાજના અવાજમાં લોન્ચ થવાનું છે જે તેને વૈશ્વિક બનાવે છે. સ્પેનિશ અને અંગ્રેજી ડબ્સ પણ આવી રહ્યા છે, જે ગ્લોબલ રીચ વધારશે.
ફેન્સની પ્રતિક્રિયા મિશ્ર છે. X પર કેટલાક કહે છે, “ગોડ-લેવલ મેડનેસ! ” અને “ઋષભની ગર્જના ધરતીને હલાવી દેશે!” . તેમને લાગે છે કે આ 1000 કરોડની ફિલ્મ બનશે, કારણ કે તે પહેલી ફિલ્મના ફોર્મ્યુલાને વિસ્તાર આપે છે – ફોકલોર, ફેથ અને એક્શનનું પરફેક્ટ મિશ્રણ. પરંતુ કેટલાકને નિરાશા છે: “ઓલ્ડ વાઇન ઇન ન્યુ બોટલ” અથવા “ટ્રેલર કટ બેડ, એસન્સ લોસ્ટ!”. તેમને લાગે છે કે મોટા બજેટમાં ફિલ્મે તેની ઓરિજિનલ સિમ્પ્લિસિટી ગુમાવી છે. પ્લોટ વિશે વધુ રિવીલ ન કરવું સારું છે, પણ તે ઇન્ટ્રિગ ક્રિએટ કરે છે – શું શિવાની ઓરિજિન્સમાં રાજવી યુદ્ધ કે દેવતા-માનવ સંઘર્ષ છે?
સરળતાથી કહીએ તો, આ ટ્રેલર દશેરા માટે પરફેક્ટ તૈયારી છે. તે પહેલી ફિલ્મના ફેન્સને ચોંકાવે છે અને નવા ઓડિયન્સને આકર્ષે છે. જો ફિલ્મ આ લેવલની ભવ્યતા મેન્ટેઈન કરે, તો તે પાન-ઇન્ડિયા હિટ નહીં, બલ્કે કલ્ટ ક્લાસિક બનશે. ઋષભની વિઝન – કર્ણાટકની કલ્ચરને ગ્લોબલ સ્ટેજ પર લઈ જવાની – પ્રશંસનીય છે.ઋષભની આ ફિલ્મમાં મહેનત કેવી છે તે ટ્રેલરમાં પણ દેખાઈ આવે છે તેથી અમારૂ તો કહેવું છે કે ફિલ્મ લોકોમાં ચર્ચા જગાવી રહી છે અને કલ્ટ ક્લાસિક બનવાની છે તે વાત 100 ટકા પાકી છે
